Grund- und Mittelschule Benediktbeuern

1. Jeder von uns alle muaß amoi in d`Schui,

koan juckt`s, ob ma Lust hat oder ob ma wui,

aber mia ham´s große Glück mit unserer Superschui,

jeder fühlt si woi - in Benediktbeuern.

Refrain:    Ob mim Radl, Roller, Skateboard, z´Fuaß, mim Bus oder mit Schi,

    na, da hoit mi nix mehr z´ruck, weil ja do wui i hi, 

    am Fuaß von der Benediktenwand ham mir de scheenste Lag´

                und aufm Schuiweg g´spür i´s scho, heid wird a gauder Tag.

2. (Um) Sibme läut´ da Wecka, d´Mama macht Verdruss:

„Konnst deine Vokabeln, hast dei Zeig in Schuss?“

Des konn mi alles net berührn, denn i fühl mi sauwoi,

g´frei mi scho auf d´Schui – in Benediktbeuern.

3. Sitz scho auf meim Radl, hau den Schnellgang nei,

gestern hab i g´wett, derf net da Letzte sei,

und dann sieg i´s scho von weitem, kriag a Glücksgfui,

glei geht´s in die Schui - nach Benediktbeuern.

Refrain

4. D´Tür is no verschlossen, bin ois Erster da,

Da kimmt scho mei Freind, schreibt d`Mathehausi o

und dann drängeln aa scho d`Lehrer durch die Schuihausdia,

wion genau wie mia - nach Benediktbeuern.

5. In der ersten Stund kimmt glei mei Lieblingsfach,

weil da ham ma Mathe und da wird i schwach.

Stoiz zoag i mei Hausi, aber leider is`s verkehrt,

drum is`s ma des wert das i heit guat aufpass.

Refrain

6. In der großen Pause stelln mia brav uns o,

d´Gabi hot a Brotzeit, ja da san ma froh.

Nach dem tollen Unterricht da tank ma Energie,

weil Biologie – is jetzt an der Reihe.

7. (Um) Oans da läut´ de Glockn, leider is´s vorbei,

koaner mag scho hoamgeh´, mach ma no bis Drei,

dann gibt’s koa Pardon mehr und mia miassn alle hoam,

g´frein uns scho auf Morgn, weil da kemm´ma wieder.

Refrain 

8. Was mi so begeistert, kaum vergeht a Tag,

wo net oaner auftaucht, so vom oidn Schlog,

sie warn amoi Schüler da: die Schui is a Magnet,

koaner wui mehr weg – von Benediktbeuern.

Text: Christine Rabus

Musik: Roman Kofler